जनकपुरधाम:प्रहरीले महोत्तरीको बर्दिबासबाट लागूऔषध गाजा सहित दुई जना पक्राउ गरेको छ । बर्दिबास वडा नं. १४ स्थित ट्रायल सेन्टरको छेउबाट २० के.जि.९७४ ग्राम गाँजा सहित दुई जना पक्राउ परेको जिल्ला प्रहरी कार्यालय महोत्तरीले जनाएको छ ।
पक्राउ पर्नेमा भंगाहा नगरपालिका वडा नं. ६ बस्ने ३२ वर्षीय कलाम अनसारी र बर्दिवास.१० बस्ने ४० वर्षीय पदम स्याङ्तान रहेका छन् । पक्राउ परेका अंसारी भंगहा नगरपालिका वडा नम्बर ६ का वडासदस्य हुन् ।
इलाका प्रहरी कार्यालय गौरिडाडावाट खटिएको प्रहरी गस्ति टोलिलाई देख्ना साथ तिन जना भागेका थिए । सेतो रंगको प्लाष्टिकको बोरा मकै बारीमा फ्याँकेर भागेका उनीहरु मध्य प्रहरी निरीक्षक प्रल्हाद सिलवाल र स्थानीयको रोहबरमा दुई जनालाई भने प्रहरीले नियन्त्रण लिएको इलाका प्रहरी कार्यालयका प्रमुख रेवतीरमन पोखरेलले जानकारी दिए ।
फरार अर्को व्यक्तिको खोजी भइरहेको छ भने पक्राउ परेकाहरूलाई जिल्ला अदालत महोत्तरीबाट सात दिनको म्याद थपी इलाका प्रहरी कार्यालय बर्दिवासमा थप अनुसन्धान भइरहेको प्रहरीले जनाएको छ ।
