जनकपुरधाम:महोत्तरीको मटिहानी नगरपालिकामा सोमबारदेखि प्रथम मेयरकप फुटबल प्रतियोगिता सुरु भएको छ ।
मटिहानी नगरपालिकाको आयोजना एवं जिल्ला फुटबल संघ महोत्तरीको संयोजनमा आयोजित प्रतियोगितामा महोत्तरी तथा धनुषाका गरी ८ वटा फुटबल टिम सम्मिलित प्रतियोगिता शुरु भएको हो ।
प्रतियोगिताको उदघाटन खेलमा एपिएफ ९ नं. गण जलसागरले बैंगखाडी युवा क्लवले १–० गोल अन्तरले पराजित गरेको छ । पहिलो हाफसम्म बराबरीमा रहेको खेल एपिएफले दोस्रो हाफमा १ गोल गर्दै अग्रता लिएको थियो ।
यस अघि प्रतियोगिताको उदघाटन मटिहानी नगरपालिकाका नगरप्रमुख हरिप्रसाद मण्डल , महोत्तरीका प्रमुख जिल्ला अधिकारी शिवराम गेलाल , सशस्त्र प्रहरी बल नेपाल मधेश प्रदेशका डीआइजी दीपेन्द्र साहले संयुक्त रुपमा गर्नु भएको थियो ।
प्रतियोगिता अन्तर्गतको दोस्रो खेल मंगलबार २ बजे एभरेष्ट एफ.सी. सर्लाही र महावीर स्पोर्टस क्लव खजुरी बिच हुनेछ ।
