जनकपुरधाम:महोत्तरीको मटिहानीमा सम्पन्न भएको प्रथम मेयर कप फुटबल प्रतियोगिताको उपाधी जलेश्वर फुटबल क्लबले चुमेको छ । जलेश्वरले एभेरेष्ट एकेडमी फुटबल क्लब सर्लाहीलाई टाइब्रेकरमा ४–१ गोलको अन्तरले पराजित गर्दै उपाधीमाथी कब्जा गरेको हो ।
सोमबार मटिहानी स्थित प्रथम मेयरकप फुटबल प्रतियोगिताको फाइनल खेलमा दूबै टिम मध्ये कुनै टिमले खेलको निर्धारित समयमा गोल गर्न सकेको थियो । निर्धारित समयमा बराबरीमा रोकिएको खेलमा जलेश्वरले टाइब्रेकरमा ४–१ गेल अन्तरले एभरेष्ट एकेडमी फुटबल क्लब सर्लाहीललाई पराजित गरेको थियो ।
प्रतियोगिताको विजेता टीमलाई ५० हजार नगद शिल्ड तथा मेडल सहित पुरस्कृत गरिएको थियो भने उप–विजेता टीमलाई २५ हजार नगद मेडल सहित पुरस्कृत गरिएको थियो ।
प्रतियोगिताको उत्कृष्ट खेलाडी जलेश्वर टिमका संजिव कार्की, उत्कृष्ट गोलकिपर जलेश्वरकै जयराम चौधरी, उत्कृष्ट मिडफिल्डर एभरेष्ट एकेडमीका सुमन योन्जन र उत्कृष्ट फरवार्डको रुपमा एमरेष्टका समीर राई पुस्कृत भएका थिए ।
