जनकपुरधाम:जनकपुरधाम उपमहानगरपालिकाको कुर्थामा एक स्कुल भ्यानमा आगलागी भएको छ । उपमहानगरपालिकाको वडा नम्बर २१ कुर्थामा एक निजी स्कुलको भ्यानमा आगलागी भएको जनाइएको छ ।
प्राप्त जानकारी अनुसार शिवशारदा स्कुलको ज १ च १८५३ नम्बरको भ्यानमा सोमवार विहान ६ बजे विद्यार्थी ल्याउन क्रममा आगलागी भएको प्रहरीले जनाएको छ । जिल्ला प्रहरी कार्यालय धनुषाका प्रवक्ता रञ्जन अवाले कुर्थाबाट स्कुलतर्फ आउने क्रममा भ्यानमा आगलागी भएको पुष्टि गरे ।
उनले बस जलेर पूर्ण रुपमा क्षतिग्रस्त भएको छ भने मानवीय क्षतिबाट जोगिएको छ । उनले भने आगलागीबाट कुनै मानवीय क्षति नभएको बताउँदै उनले जनकपुरधाम उपमहानगरको वारुणयन्त्र र स्थानीयवासीको सहयोगमा जिल्लाबाट खटिएको प्रहरी टोलीले आगलागी नियन्त्रणमा लिएको जनाए ।
आगलागीबाट स्कुल भ्यानमा २२ लाख रुपैया बराबरको क्षति भएको विद्यालय व्यवस्थापकले जनाएको छन् । विद्यालयका सुजित मिश्राका अनुसार ब्याट्री सर्ट भएर आगलागी भएको बुझिएको छ । सो आगलागीबाट २२ लाख रुपैया बराबरको क्षति भएको हो ।
