काठमाडौँ:होन्डुरसले २० हजार क्षमताको ‘मेगा कारागार’ निर्माण गर्ने भएको छ ।

मुलुकमा ‘सुरक्षा आपत्कालीन’ विरुद्ध लड्ने उपायबीच राष्ट्रपति जिओमारा क्यास्ट्रोले शुक्रबार मेगा कारागार बनाउने घोषणा गर्नुभयो ।

होन्डुरसको राष्ट्रिय सुरक्षा र सुरक्षा परिषद्का सदस्यहरूसँग क्यास्ट्रोले राति राष्ट्रलाई सम्बोधन गर्दै ‘अपराधविरुद्धको समाधानको योजना’ बढ्दो हिंसाका बारेमा सार्वजनिक गुनासोहरूको प्रतिक्रिया रहेको बताउनुभयो ।

उहाँले ‘हत्या, लागु औषधको ओसारपसार, जबर्जस्ती असुली, अपहरण, हतियारको तस्करी, अवैध सम्बन्ध र मनी लन्ड्रिङजस्ता अपराधको धेरै घटना भएका सबै क्षेत्रमा’ सशस्त्र बल र प्रहरीले ‘तत्काल हस्तक्षेप’ गर्नुपर्ने बताउनुभयो ।

मेगा कारागार र करिब एक दर्जन अन्य उपायले छिमेकी मुलुक एल साल्भाडोरलाई प्रतिध्वनि गर्दछ । एल साल्भाडोरमा राष्ट्रपति नायब बुकेलेको गिरोहविरोधी अभियानले अधिकार समूहहरूबाट आलोचना प्राप्त गरे पनि उहाँलाई ल्याटिन अमेरिकामा सबैभन्दा लोकप्रिय नेतामध्ये एक बनाएको छ ।

होन्डुरस विश्वको सबैभन्दा हिंसात्मक मुलुकमध्ये एक हो । यहाँ सन् २०२३ मा प्रति एक लाख बासिन्दामध्ये हत्या दर ३४ रहेको छ र यो विश्वव्यापी औसतभन्दा करिब छ गुणा हो ।

सशस्त्र बलका प्रमुख रुजबेल्ट हर्नान्डेजले उत्तरपूर्वी ओलानचो र ग्रेसियस ए डिओस विभागबीच निर्जन क्षेत्रमा ‘घोषित सुरक्षा आपत्कालीन’ अन्तर्गत २० हजार कैदी अट्ने ‘आपत्कालीन रिक्लुजन सेन्टर’ तत्काल निर्माण गर्न आदेश दिइएको बताउनुभयो ।

उहाँका अनुसार होन्डुरसको करिब ३० कारागारमा हाल करिब २१ हजार कैदी रहेका छन् र तिनीहरूलाई ‘तत्काल’ नयाँ सुविधामा स्थानान्तरण गरिनेछ ।

रक्षामन्त्री म्यानुअल जेलयाले क्यारेबियनमा स्वान द्वीपमा पहिला नै २० हजार कैदीलाई राख्ने योजना बनाइएको कारागार निर्माणका लागि दुई सातामा टेन्डर घोषणा गरिने जानकारी दिनुभयो ।

उहाँले भन्नुभयो, “कोका पात र गाँजाको बगैँचा तथा लागु पदार्थ प्रशोधन केन्द्रहरू पत्ता लगाउन, उन्मूलन गर्न, सुरक्षित गर्न तथा नष्ट गर्नका लागि अनुसन्धान र अपरेसनलाई तीव्र पार्ने योजना पनि थिए ।”

प्रतिक्रिया दिनुहोस् !

संबन्धित खबर

ताजा खबर


धेरै पढिएको