जनकपुरधाम:महोत्तरी गाउँपालिका–१ स्थित सोनखडा बस्ने हबिब नदाफले आफ्नै श्रीमतीको हत्या गरेका छन् । ३६ वर्षीया श्रीमती रोशना खातुनलाई कुटपिट गरी हत्या गरेर उनी घर छाडेर फरार भएका महोत्तरी प्रहरीले जनाएको छ ।
गत शुक्रबार राति खातुनकी ६ वर्षीया छोरी सानिमाको घर गएको अवस्थामा नदाफले श्रीमतीलाई कुटपिट गरी हत्या गरेको महोत्तरी प्रहरीका सूचना अधिकारी प्रहरी निरीक्षक धर्मराज मुडभरीले जानकारी दिए ।
शनिबार बिहान सानिमाको घरबाट फर्किएकी छोरीले आमालाई मृत भेटेपछि घटना बाहिर आएको थियो । त्यसता नदाफ भने फरार रहेका छन् । महोत्तरी प्रहरी प्रमुख प्रहरी उपरीक्षक नकुल पोखरेलको नेतृत्वमा घटनास्थल पुगेको प्रहरी टोलीले घटनास्थलको मुचुल्का उठाइ घटना किन भयो भन्ने सन्दर्भमा अनुसन्धान गरिरहेको र फरार नदाफको खोजतलास गरिरहेको जनाएको छ ।
