वीरगञ्ज:मधेस सरकार मधेसी जनतालाई लुटनकै लागि बनेको आम जनता पार्टी (आजपा) का अध्यक्ष एवं पूर्वमन्त्री प्रभु साहले दावी गरेका छन् । मधेसवादी दलको भ्रष्ट चरित्रले आज मधेस बदनाम भएको उनले बताए ।
बाराको खुटुवा प्र्रसौनीमा आजपाद्धारा आज आयोजित भेलालाई सम्बोधन गर्दै साहले मधेसी जनतालाई लुटन, ठग्नका लागि मधेस सरकार र मधसवादी दलका नेताहरुको पेशा नै बनिसकेको ठोकुवा गरेका छन् ।
‘छोरीलाई वितरण गरिने साईकल चोरेका छन् । दलितहरुको घर निर्माणमा भ्रष्टाचार गरेको, राहतको पैसा समेत लुटेकाछन । बजेटको किनबेच एवं कृषकको अनुदानमा कमिशन यि भ्रष्ट र चोर नेताहरुको पेशा भएकोछ ।’ आजपा अध्यक्ष साहले भने, ‘भ्रष्टाचार र लुटमा पिएडी गरेका यि भ्रष्ट र चोर नेताहरुले मधेशको व्यापार गरेर मधेसलाई नै बदनाम गरिसकेका छन् ।’
किसानको अनुदान तथा पीडितको राहतमा समेत भ्रष्टाचार गरेका लुटेराहरुले मधेसलाई समृद्ध बनाउँने काम गर्नै नसक्ने साहले बताए । ‘मानव विकास सूचांकमा तल रहेको मधेस जस्तो सानो र गरिब प्रदेशमा उच्चतहको तलब सेवा सुविधा सहितको जम्बो मन्त्रीमण्डल किन चाहियो ? मधेसलाई समृद्ध बनाउँने, मधेसी युवालाई रोजगार दिने कुनै काम यिनीहरुले नगरी केवल लुटने हो र लुट मचाउँनकै लागि लागेका छन्’ आजपा अध्यक्ष साहले भने ।
भ्रष्टाचार बाहेक मधेस सरकारले कुनै कामै नगरेको बताउँदै उनले जनतालाई ढाटने, लुटने, ठग्ने पेशा नै बनेको बताए । कुनै पनि सरकारको काम भनेको देश र जनताका लागि बिकास, समृद्धि जस्ता राम्रो काम गर्नु भए पनि मधेस सरकारले हरेक योजनामा लुट मचाएको उनले बताए ।
मधेसलाई समृद्ध बनाउँने हरेक किसिमको सम्भावना यहाँ रहेको उनले बताए । तर त्यसलाई सदुपयोग गर्नुको साटो लुटको व्यापारमा मधेसवादी दलका नेताहरु लागेको आरोप उनले लगाए । ‘मधेस प्रदेशलाई देशको मोडेल प्रदेश बन्ने सम्पूर्ण सम्भावना हुदाहुदै भ्रष्ट नेताहरुका कारण नेताहरु नै बदनाम भएका छन्’ साहले भने ।
भ्रष्ट नेताहरुको अन्त्य र आम जनताको शासन व्यवस्थामा सहभागिताका लागि तेस्रो जनआन्दोलनको बिकल्प नभएको बताउँदै उनले दलाल दलतन्त्र विरुद्धको जनआन्दोलनको तयारीमा जुटन आह्वान गरे । लुटेरा र भ्रष्ट नेताहरुको अन्त्य हुनै पर्ने बताउँदै उनले देश लुटने नेताहरुलाई राज्यले कारवाही गर्न नसकेकाले अब जनताले नै जनकारवाही गनुपर्ने बताए ।
आजपाको स्थानीय नेता गणेश रामको अध्यक्षतामा सम्पन्न कार्यक्रममा आजपाका उपाध्यक्ष अशोक लामा, महासचिब त्रिभुवन साह, सचिव उमेश कुशवाहा लगायतको सहभागिता रहेको थियो ।
